فويس واتساب خدع منصات كبرى.. هل يخدع بودكاستك؟

سلامات سلامات سلامات..

قبل أسبوع انتشر خبر اختفاء سيدة، وبدأ الخبر بـ "فويس" على الواتساب من شخص قال إنه سمع تفاصيل القصة من طرف قريب منها. خلال ساعات قليلة، انتقلت القصة من مجموعات الواتساب لمنصات إعلامية معروفة بمصداقيتها، وانتشرت تفاصيل خلفية الاختفاء كأخبار مؤكدة.

بعد أيام قليلة، طلعت التفاصيل الحقيقية من الشرطة وأصحاب الشأن، وكانت مختلفة كلياً عن إللي انتشر.

إللي استوقفني مش الشائعة نفسها، بل إن منصات "موثوقة" أخذت معلومة من تسجيل صوتي على واتساب ونشرتها بدون تحقق، بس لأن الخبر جذاب وسريع الانتشار.

وفي هاي اللحظة، سألت حالي: إذا هيك بيصير مع منصات صحفية إلها فرق تحرير وسياسة تحقق، شو بالنسبة للبودكاست؟

كتير حلقات بتستضيف ضيوف بيحكوا معلومة أو رقم أو حدث بثقة تامة، والبودكاستر بينشرها متل ما هي،

لأن الضيف خبير أو لأن كلامه مقنع. بس الثقة ليست التحقق، والضيف المقنع مش نفسه الضيف الدقيق.

قبل ما تنشر حلقتك القادمة، جرّب تعمل تمرين بسيط حتى لو بشكل عفوي: كل معلومة أو رقم كبير بيذكره الضيف، اسأل نفسك 3 أسئلة:

• مصدر هالمعلومة؟
• هل فيه مصدر آخر يأكدها؟
• وإذا كانت غلط، شو الضرر اللي ممكن يصير؟

الأكيد الأكيد الأكيد ...

مش لازم توقف تدفق الحوار وتوتر الضيف، بس سجّل الفكرة/ المعلومة وارجعلها بالمونتاج، أو ضيفها كملاحظة توضيحية في وصف الحلقة.

مصداقيتك كبودكاستر مش بس بجودة الأسئلة، هي كمان بمسؤوليتك عن كل معلومة بتوصل لجمهورك.

التحقق ممكن يكون مهمة مرهقة، بس هو الدرع إللي بيحمي إرثك.

عشان هيك، بنينا مع بودكاسترز تانيين خطوات تحقق واضحة وعملية، وهاي بالضبط واحدة من الشغلات اللي منشتغل عليها وبنفصلها على مقاس برنامجك في الجلسة الاستراتيجية الخاصة.

احجز جلستك الاستراتيجية الآن واحمِ مصداقية بودكاستك

رنين | The Third Mic
شريكتك في بناء إرثك الصوتي
إلى أن نلتقي في فضاءات صوتية أرحب