ليش ضيفك عم يجاوبك متل موظف في مقابلة عمل؟

سلامات سلامات سلامات..

من فترة سمعت حلقة عناصرها متوازنة:

- ضيف خبير

- أسئلة محضّرة

- ترتيب منطقي

ومع ذلك، شعرت إني بسمع مقابلة للتوظيف وليست حوار بودكاستي. 

حكيت للبودكاستر: خلينا نرجع للسؤال الأول؛ وطلبت منه يعيده بصوت عالٍ: "احكيلي كيف كانت مسيرتك المهنية؟"  

القاعدة الأساسية للسؤال الأول: سؤال عام= جواب عام.

الضيف سمع هذا السؤال "احكيلي عن مسيرتك المهنية" أكثر من مرة بأكثر من بودكاست، فالطبيعي يرد بنفس الجواب الجاهز إللي بيحكيه مع كل بودكاستر آخر.

فكّرنا بسؤال يربط الضيف بلحظة محددة في مسيرته وليست المسيرة الكاملة:

مثلاً: "شو أول قرار مهني ندمت عليه؟"، وفعلاً، جرّبها بحلقة تانية مع ضيف آخر، والفرق كان واضح في أول دقيقتين؛ الضيف الجديد صار يحكي تفاصيل ما كان ناوي يحكيها أصلاً (ويمكن ناسيها 😉)

والآن؛ إنتَ/ إنتِ كـ بودكاستر، جرّبوا هذا التمرين:

اكتب سؤالك الأول بثلاث صيغ مختلفة:
1. ترجّع الضيف للحظة معينة
2. فرضية أو رأي بتتحدى فيها رأي الضيف
3.  تكشف تردد معيّن مرّ في الضيف

اختار الصيغة إللي "بتقلق" الضيف شوي، وليست الصيغة الآمنة، يعني ببساطة اجعل الضيف يطلع من الـ safe zone. 

لو وصلت لآخر الإيميل، بدي أذكرك إني بجلسة استراتيجية، بقدر أساعدك تبني بنك من الأسئلة يخدمك مع كل ضيف.

وإذا معني حدا يشتغل معك على النظام كامل، خدماتنا على الموقع.

رنين | The Third Mic
شريكتك في بناء إرثك الصوتي
إلى أن نلتقي في فضاءات صوتية أرحب