كان ممكن اخذ هذي الفلوس واسكت 👹

بواسطة رحمه #العدد 5 عرض في المتصفح
اختبارات البزنس شوفو وش صار معاي ! 

في البزنس راح تتعرض لاختبارات كثيرة 

ومن اهمها اختبارات ( الامانة ) 

طيب ، كثير من الناس فيهم خير ويقول الحمدلله انا ما اغش ولااكذب واشتغل بطلباتي باعلى جودة ✨

بس للاسف الاختبارات اللي بتمر فيها ماراح تكون اختبارات سهلة وواضحة !!

راح يكون اختبار يخليك توقف مع نفسك وتفكر شوي  🤔

طيب بقولكم موقف حصل معي ، وهو اللي الهمني لكتابة هذه النشرة 😊

عندي بمتجري خدمتين :

تصميم مواقع الكترونية ومدونات وسعر هذي الخدمة ٥٠٠ ريال

وعندي خدمة تصميم متاجر سلة وفيها عدة باقات والسعر يبدأ من ١٧٠ ريال لتصميم الواجهة 

اللي حصل انو جاء طلب لتصميم المواقع 

وتواصلت مع صاحب الطلب عشان التفاصيل

المهم يقول انه عنده متجر سلة ويبي تصميم حلو للواجهة 

يقول ان المتجر جاهز وفيه كل المنتجات ومفعل الباقة بس يبي التصميم 

قلت له : بس انت طلبت خدمة تصميم المواقع 

قال لي : ايوة ابي تصميم حلو لموقعي 

هنا عرفت ان هذا العميل ماعنده خلفية عن الفرق بين المواقع وبين المتاجر

وهو دفع ال ٥٠٠ ظنا منه انه هذا قيمة عمل تصميم واجهة المتجر 

بهاللحظة بدا الشيطان يوسوس لي 😂 وصار هالحوار بداخلي :

👹: الله يارحمه جاك طلب سهل وبمبلغ كبير

😇: بس هو ماكان يعرف ان تصميم الواجهة له سعر اقل بكثير

👹: بس هو دفع ال ٥٠٠ وهو راضي بالمبلغ ويعتقد انها قيمة التصميم وماراح ينتبه ان لك سعر اقل للخدمة

😇: بس هذي امانة وانا عارفة ومن واجبي اني انبهه

طبعا ماكان الموضوع سهل للامانة

لاني هنا ما تلاعبت ولاكذبت ولاغشيت

هو اللي جاء بنفسه ودفع هالسعر وطلب هالخدمة

وكاني ابدو بريئة ورزق وجاني 🤨

بس باانهاية قررت اني اكون شجاعة

واعلمه ان خدمته لها سعر اقل 

وطلبت منه يعطيني حسابه احول له فرق القيمة 🥹💔

مثل هالموقف اعتبره اختبار لي

ومتاكدة ان راح يجيني العوض

وان هالامانة الصغيرة اللي محد ينتبه لها

راح تضاف لرصيدي وتضاعف لي رزقي 🌱✅


شارك العدد
أيقونة البريد الإلكتروني البريد الإلكتروني أيقونة تويتر تويتر أيقونة فيسبوك فيسبوك
مدونة رحمه

مدونة رحمه

بواسطة رحمه

اشتركي بالنشرة البريدية واحصلي على ملف مجاني فيه 13 موضوع رهيب عن التجارة الالكترونية .. وايميلات اسبوعية واسرار شغل