ليش مايقدر تغييري عشانه

بواسطة ragdasairafi369 #العدد 3 عرض في المتصفح

اتغيرت عشانك 

اتغير عشان زوجي 

اتغير عشان اللي حولي يتقبلوني ، تستمر العلاقة ، يحترموني ، يحبوني ... الخ 

قد ايش بنقرر نتغير عشان فلان وفلان 

بس ماندري انه لما نتغير عشان اي احد 

التغيير ماراح يستمر ، راح يكون فترة لحظية ومؤقتة لأنه فقط تغيير خارجي مو نابع من الداخل 

زي لما يكون في بقعة شوكولاته او حبر عالكنبة مثلاً تتغطى بمفرش ( مجرد حل مؤقت ) لكن ممكن اي شي يشيل هالمفرش وتظهر البقعة مرة ثانية لكن لما نشيل هالبقعة بشكل عميق وقتها راح يكون التغيير 

البقعة هذه عندنا هي :  معتقداتنا ، افكارنا ، مشاعرنا اللي بتعيق انه نعيش الحياة بشكل افضل 

لاتفكر تتغير عشان احد لانه مجرد اي موقف مايعجبك من هذا الشخص راح ترجع لنفس الافكار والمعتقدات والمشاعر اتجاه هذا الشخص وراح ترجع لنفس سلوكك وهذا الشي بالعكس بيأثر اكثر مع الطرف الثاني لانه بيعرف انه تغييرك مؤقت وبيعطيه شعور عدم الأمان 

اسأل نفسك : هل حياتك تستحق انك تعيشها بالشكل الحلو بغض النظر عن فلان وفلان 

هل تبغى تعيش السعادة الداخلية والرضا والحرية الداخلية والرضا عن نفسك فعلاً !!!! 

لاتتغير عشان احد لكن غير افكارك تتغير حياتك 

تحرر من المعتقدات اللي ترجعك لنفس السلوك اللي يزعجك ويزعج غيرك 

لأنه هذا الشخص هو جاي عشان يساعدك انك تتحرر عشان نفسك مو عشانه❣️

رغده صيرفي 

@ragdasairafi369 | Linktree

رغده صيرفي
linktr.ee
مشاركة
رغده صيرفي

رغده صيرفي

التعليقات

جارٍ جلب التعليقات ...

المزيد من رغده صيرفي