الفرشاية المناسبة؟ مو دايمًا الأغلى… بس دايمًا الأذكى.

شو أفضل فرشاية؟”

سؤال بنسمعو كتير وبتكرر بعياداتنا بشكل يومي …

بس الجواب؟ مانه رقم أو ماركة محددة .

لأنو لي بناسب غيرك مش بالضرورة يكون بناسبك!

الاختلاف في طبيعة الفم واللثة من حيث بنية الأنسجة، مستوى الحساسية، وشكل الأسنان، بالإضافة إلى العادات اليومية، كلها عوامل تؤثر بشكل مباشر على نوع الفرشاة الأنسب لكل شخص.

لهيك، ح أشاركك اليوم 3 قواعد بسيطة بتخليك تختار/ي الفرشاية المناسبة لإلك:

. الشعيرات (الـBristles):

إذا لثتك حساسة أو بتنزف بسهولة؟ اختار/ي شعيرات ناعمة Soft، مش متوسطة أو قاسية.

القسوة الزايدة بتجرّح اللثة بدل ما تنظفها!

. حجم الرأس:

إذا فمك صغير أو عندك تركيبات أو تقويم، اختار/ي فرشاية برأس صغير نسبياً — بتوصل للأماكن الضيقة بسهولة.

. المقبض المريح:

إنت يلي رح تستخدمها مرتين باليوم،  وهو مانه مجرد إعلان على التلفزيون.

المقبض لازم يكون مريح بإيدك، مش معقّد أو زلِق.

وبحياتك لا تصدق إنو “الفرشاية الأغلى = الأفضل.

الأفضل هي يلي بتناسبك، وبتخلي تنظيفك اليومي أسهل وألطف.

وأخيرًا…

إذا ضاعت بوصلتك ولقيت حالك محتار، حاكيني ،خليني ساعدك تختار الصح.

أنا الدكتورة  مريم دياب

أخصائية تعويضات الأسنان الثابتة وتجميل الأسنان.