ليه كل متاجر سلة تشبه بعض, وكيف تخلّي متجرك مختلف ويبيع أكثر؟
|
|
|
20 يوليو 2025
•
بواسطة جبران
•
#العدد 14
•
عرض في المتصفح
|
|
|
تخيل تدخل مول، كل المحلات نفس الواجهة، نفس الديكور، نفس طريقة العرض. وش اللي بيخليك توقف عند محل معين؟ غالبًا ولا شيء بتكمّل مشي لين يلفت انتباهك شيء مختلف: لون، فكرة، تجربة، كلمة. هذا بالضبط اللي يصير لعميلك لما يفتح متجرك على سلة ويلاقيه نسخة كربونية من عشرات المتاجر الثانية.العميل اليوم ما ينقصه خيارات. بضغطة زر يدخل لسوق كامل, فإذا ما علّق شيء في باله من أول زيارة، غالبًا ما يرجع. التشابه مو بس شكل .. هو ذاكرة وثقة ومبيعات.
|
|
|
|
ليش التشابه يضر مبيعات متجرك على سلة؟
|
|
- الذاكرة البصرية: لما يشوف العميل نفس الثيم بالألوان الافتراضية، ينساك. بعد فترة يقول: في أي متجر شفت العباية؟ وبعدها يروح لأقرب متجر يتذكره مو شرط يكون متجرك.
- المقارنة تصير على السعر بس: إذا التجربة متشابهة، مايبقى غير السعر يفصل. هذا اللي يدخل التجار في حرب أسعار خاسرة.
- انطباع (متجر جاهز) أو (غير جاد): شكل افتراضي يوحي إن صاحب المتجر ما استثمر وقت في البراند ولا تجربة العميل.
- تجربة مشتتة على الشاشات الكبيرة: كثير يتركون الإعدادات الافتراضية بدون ضبط المقاسات، الخطوط، وأزرار الدعوة للشراء. النتيجة: زائر اللابتوب يطلع قبل ما يكمّل الطلب.
|
|
كيف تميّز متجرك الإلكتروني على سلة؟
|
|
|
علامات بسيطة لكنها تصنع فرق كبير:
|
|
- هوية بصرية واضحة: ألوان متناسقة مرتبطة بالعلامة التجارية.
- رسالة قيمة سريعة في الهيدر: مثال: عبايات سعودية مصممة يدويًا – شحن سريع – استبدال خلال 7 أيام.
- رحلة شراء مريحة: أقسام واضحة وأزرار شراء واضحة، وهنا يظهر دور تصميم واجهة احترافي وتجربة مستخدم سلسة.
- محتوى مخصص (UX Writing): كلمات قصيرة تدل العميل على الخطوة التالية.
- عناصر ثقة: تقييمات، سياسة واضحة، وضمان.
|
|
قائمة سريعة لتمييز متجرك على سلة اليوم
|
|
- عدّل ألوان الثيم الافتراضية بألوان البراند (لون أساسي + لون ثانوي + لون للتنبيه).
- استخدم صور منتجات متناسقة من حيث الإضاءة والمقاس.
- أضف شريط علوي بمزاياك (شحن سريع، دفع آمن، استبدال سهل).
- نظّم الصفحة الرئيسية: قسم مميز، عروض موسمية، تقييمات.
- قلّل التمرير الطويل ورتّب المحتوى حسب الأهمية.
- أزرار واضحة (CTA) على الجوال.
- وصف منتجات عملي: يوضح الميزة الأهم والفائدة للعميل.
|
|
الخلاصة
|
|
|
إذا متجرك على سلة يشبه باقي المتاجر، فهذه أكبر فرصة أنك تترك بصمة مختلفة. التصميم الاحترافي وتجربة المستخدم الجيدة ما هي اختيارية، هي السبب اللي يخلي العميل يثق ويشتري بدون تردد.
|
|
التعليقات