الكلمات المفتاحية: العميل يكتبها بصمت… فهل ترد عليه بصوت؟ |
| 8 مايو 2025 • بواسطة جبران • #العدد 5 • عرض في المتصفح |
|
|
|
في كل ثانية، عميل يفتح خانة البحث في منصة إكس ويكتب: |
|
“تصميم متجر”، “مشكلة سلة”، “واجهتي ما تعجبني”، |
|
“كيف أرفع مبيعاتي؟”، “ثيم سلة احترافي”… |
|
ما يوسّع صدرك؟ إنك تقدر تطلع له وأنت ساكت. |
|
مو إعلان، مو سبونسر، مو دفعت ريال… |
|
بس كتبت اللي هو يبحث عنه. |
|
هذا هو السر اللي كثير يغفلونه: |
|
العميل ما يدور عليك باسمك، |
|
يدور على حاجته، |
|
وإذا لقاك تجاوبها بوضوح؟ أنت صرت “اللي يدور عليه”. |
|
وش يعني كلمات مفتاحية عندنا؟ |
|
مو مجرد مصطلحات SEO جامدة. |
|
هي لغة السوق الحقيقية، النبض اللي ما ينقال بصوت، بس يُبحث عنه كل يوم. |
|
في تويتر، الكلمة = بوابة، |
|
والعميل ما يطرق باب إلا لو حس إن وراه حل. |
|
فجوة السوق اللي ما حد يكلّم عنها: |
|
الجميع يتكلم عن إثبات نفسك كمصمم |
|
لكن قليل اللي يعلّمك كيف تكون حاضر في لحظة البحث. |
|
فيه عملاء ما يتابعونك، ما شافوا تغريداتك، بس يبحثون. |
|
وكل يوم، يفوتك عميل، مو لأنك سيّئ… |
|
بل لأنك ما كنت موجود في المكان اللي لازم تكون فيه: “نتائج البحث”. |
|
كيف تملك هذه المهارة؟ |
|
|
سر من تجربتي: |
|
أحد العملاء كتب في البحث: “تصميم متجر سلة احترافي” |
|
لقى لي تغريدة كنت كاتبها بنفس الجملة قبل أسبوع… |
|
دخل حسابي، شاف التخصص، شاف التغريدات، شاف نتيجة… |
|
وبعد يوم صار من العملاء الثابتين. |
|
الرسالة الأهم هنا: |
|
مو كل تغريدة لازم تنتشر، |
|
بس كل تغريدة لازم تكون قابلة للبحث. |
|
كل مرة تستخدم كلمة مفتاحية بلغة عميلك، |
|
أنت فعلياً تسحب كرسي، وتقعد جنبه في لحظة احتياجه. |
التعليقات