تقدر تتحكم في عميلك !

المقدمة :-

انهارده كلامنا عن أنواع التسويق بالمحتوى او بمعنى أصح المحتوى نفسه ! والمحتوى هنا هنقسمه حسب تأثيره على العميل . بس لازم لازم لازم بعد ماتقرأ النشرة دي ترررجع للنشرات اللي فاتت علشان تطبق على كل حاجة شرحناها .

أنواع المحتوى التسويقي :-

عاوزك ديما وانت شغال وبتعمل اي محتوى لازم تحدد المحتوى ده الهدف منه اي ؟؟ 

وانا انهارده جاي أكلمك عن 3 اهدف مهمه جدااااا .

• الوعــي:-

في المحتوى اللي مهتم بالنقطة دي بتركز ديما على نقط مهمه جدا جدا عاوز توصلها لعميلك تعرفه بحاجه معينه في شغلك بتشاركه من الآخر تفاصيل في الشغل أو المجال تهمه جدا ، ودي نقطه إتكلمنا عليها قبل كدا تقدر ترجعلها وتعرف اي اللي يخص العميل واي اللي ميخصوش .

أمثلة مثلا على النوع ده (( أعمالك السابقة ، كواليس شغلك .... إلخ ))

• التفاعل :-

هنا بقى هدفك بيكون مختلف تماما ، أنت هنا عاوز عميلك يتفاعل معاك سواء  بلايك أو تعليق ، فلازم تتاكد من فكرة المحتوى إنه يوصله ويخليه يتفاعل .

وأبسط حاجه تقدر تحقق بيها ده إنك ديما تقفل المحتوى بسؤال مثلا ، أو بطلب معين يجبر عميلك يكتب تعليق .

• البيع :- 

النوع ده أسهل نوع لإنك من خلاله بتفهم عميلك ميزة إنه يتعاقد معاك مثلا ويشتري خدمتك ، ممكن مثلا تقدمله عروض جذابة في المناسبات وغيرها زي أي براند . 

ملحوووظة هااامة جدا جدا:-

بعد متحدد نوع المحتوى أهتم جدا جدا بالجودة اللي هتقدمه بيها لإنها جزء مهم في توصيل الهدف للعميل وكمان رسم صورة ذهنية احترافية عند العميل . 

نشرتنا انهاردة مش كبيرة بس مهمه جدا والأهم انك تبدأ تطبق كل المعلومات اللي اتكلمنا عنها واستناني في نشرة جديدة . 

متنساش تشاركني برأيك في نشرتنا وكمان حابب نتكلم عن اي في استوري عندك على الفيس بوك او انستجرام ومتنساش تعملي منشن عليها علشان نتكلم عن كل المواضيع اللي تهمك ودي روابط حساباتي .