"الفريلانسر اللي يبادر مقابل الفريلانسر اللي ينتظر المبادر يجيه"

في نوعين من الفريلانسرز:

فيه اللي يعرض خدماته على العملاء.

وفيه اللي ينتظر العملاء يجون له.

... تقدر تخمّن أي واحد فيهم أنجح؟

خصوصًا في بدايات مشوارك كفريلانسر (من 0 إلى سنتين)، إنك تبادر وتدور على عملاء بنفسك شيء ضروري. بعد أول سنتين، إذا بنيت أساس قوي، بتلاحظ العملاء يجونك من توصيات، تحسين محركات البحث (SEO)، بناء الهوية الشخصية، التسويق بالمحتوى، وغيره.

المشكلة إن كثير من الفريلانسرز المبتدئين يواجهون صعوبة في اتباع هذا النهج الاستباقي.

ليش؟

لأنهم:

• مشغولين جدًا - يتنقلون بين التزامات متعددة أو يضيعون وقتهم في مهام غير ضرورية.
• ما عندهم تركيز - ما حددوا بالضبط العميل المثالي لهم أو الخدمات اللي يعرضونها.
• يشتغلون على أشياء غلط - يضيعون وقتهم في أمور ما تحركهم فعليًا نحو الحصول على عملاء وبناء بزنسهم.
• عندهم توقعات غلط - يستهينون بالوقت والجهد اللي يحتاجونه لبناء بزنس ناجح.
• كسالى 😑

إذا كنت جاهز تصلح هذا الوضع، هذي 3 نصائح عشان تكون استباقي وتلقى عملاء:

1- أرسل عروضك للعملاء عبر الرسائل المباشرة في السوشيال

• أرسل رسالة مباشرة للعملاء المحتملين على منصات السوشيال ميديا. أنصحك تبدأ بـ LinkedIn وTwitter. لا تحاول تستخدم كل المنصات. حدد وين يتواجد عملاءك المثاليين.
• إذا لقيتهم، أرسل لهم رسالة بسيطة زي:"السلام عليكم استاذ علي كيف حالك،قبل كذا ساعدت الاستاذ صالح يزيد XYZ بـ X. ودك نتواصل نشوف إذا نقدر نساعدك بنفس الشيء؟
• خلي الرسالة قصيرة ومباشرة.
• بعد أسبوع، أرسل تذكير بسيط.

حقيقة: أغلب المبيعات تصير بعد المتابعة.

2- أرسل عروضك للعملاء عبر البريد الإلكتروني - Cold email

• نفس الاستراتيجية تنطبق على الإيميلات الباردة.
• ابدأ ببناء قائمة عملائك باستخدام أداة مثل FindThatLead - تتيح لك البحث بناءً على النيش، الموقع، حجم الشركة، وأكثر.
• بعدين، صيغ قالب للإيميل.
• استخدم أداة مثل LemList عشان تبسط عملية التواصل. مو بس ترسل الإيميل الأول، بل كمان تتولى المتابعة وتعطيك بيانات تحليلية لمتابعة تقدمك.
• تذكر، التواصل البارد هو لعبة أرقام.

3- اشترك في المجتمعات

• وأخيرًا، استراتيجية بسيطة وفعّالة: انضم لمجتمع زي جامعة العمل الحر. ما يكلفك شيء، وإذا تعلمت 30 دقيقة يوميًا فيه، تقدر بسرعة تبني مهارة + علاقات مع اشخاص مثلك.

الخلاصة؟

ما حد بيبني لك بزنسك.

وقف الجلسة وانتظار العملاء يجونك فجأة.

اطلع ودور عليهم.

هذا اللي عندي هالأسبوع. إن شاء الله يفيدك.

تحياتي!