عبدالعزيز | يتعلم - ماهو فريمر؟ إطلاق #رحلة_متعلم

السلام عليكم ورحمة الله

عزيز المشترك في النشرة البريدية, عساك بخير (:

أبشرك إني بديت رحلة جديدة لتعلم مهارة جديدة وسميتها #رحلة_متعلم. المرة هذي الرحلة غير، لأن ما راح أكون لحالي، فيه معاي قروب من الشباب المتحمسين على تلقرام. الي حاب ينضم لنا، هذا رابط القروب (رابط القروب على تلقرام)

هدف الرحلة:

1- تعلم Framer خلال مدة أقصاها 3 شهور

2- الحصول على اول عميل خلال مدة أقصاها 4 شهور

3- مشاركة الرحلة بالتفصيل على (أكس, تيليقرام)

4- مساعدة غيري في تحقيق نفس الهدف.

بعد ما قلت لك اهداف الرحلة, خلني الان اشرح لك ايش هو Framer:

فريمر هو أداة لتصميم مواقع بشكل سهل وسريع، حتى لو ما تعرف تبرمج.

فيه ميزة رهيبة اسمها فريمر AI، تخليك تصمم موقع كامل بثواني بس عن طريق وصفه بالكلام! تخيل كذا تقول له "ابي موقع لمحل ورد" ويطلع لك موقع جاهز!

غير كذا، فيه أشياء جاهزة كثيرة تقدر تستخدمها وتعدل عليها عشان موقعك يطلع بشكل يناسبك, هذه هو بشكل مختصر.

ليش أخترت Framer؟

سهولة الاستخدام: فريمر سهل التعلم والاستخدام حتى لو ما عندك خبرة في البرمجة. واجهته بسيطة وواضحة، وتقدر تسوي موقع كامل بدون ما تكتب سطر كود واحد.

مناسب للمبتدئين والمحترفين: فريمر يناسب المبتدئين اللي ما عندهم خبرة في البرمجة، ويناسب المحترفين اللي يبون أداة قوية وسريعة عشان يطلعون بمواقع احترافية بسرعة.

تجربة مجانية: تقدر تجرب فريمر مجاناً قبل ما تشترك في الخطة المدفوعة، عشان تشوف إذا كان يناسبك أو لا.

بشكل عام، فريمر أداة قوية وسهلة وسريعة، وتقدر تعتمد عليها عشان تسوي موقع أو تطبيق احترافي بدون تعقيد. جربه بنفسك وراح تشوف الفرق!