ماذا يحتاج متجرك الإلكتروني لينجح؟

مرحبا صديقي القارئ 

قررت اليوم أتكلم معاك عن أهم عن نقطة في نجاح متجرك الإلكتروني وهي

الميزانية

بدون ميزانية للتسويق إلي المفروض تمول المتجر أقل مدة 6 أشهر إلى سنة مراح تقدر تنجح بسهولة وراح يأخذ منك النجاح مدة طويلة وأتكلم من تجربة

لا تتوقع في البداية إن المشروع يصرف عليك بالعكس لازم أنت إلي تصرف عليه إلين يوقف على رجله 

الميزانية إلي نتكلم عنها تحتاج توزعها على منتجات المتجر و هوية المتجر و تصاميم المتجر وبكجه وعلى الحملات الممولة أو الإعلان عند المؤثرين وعلى السيو SEO 

وهذي كلها تتطلب مبالغ مهما حاولت تقتصد فيها 

تقدر تبدأ بميزانية بسيطة في البداية مثلا 5000 ريال ولكن النجاح راح يأخذ وقت إذا كنت ماشي صح 

وأنت تحط الميزانية كلها في شي واحد وتنسى باقي الأشياء الثانية لأنها لا تقل أهمية عن بعضها والمنافسة دحين شرسة فوق ما تتصور وفي مجالات كثرة فيها المنافسة وما صار سهل تدخل فيها زي العبايات والعطور والقهوة 

والمنتج المبتكر يحتاج منك وقت لوعي العميل وإقناعه 

على فكرة !

لما تختار اسم متجر وشعار غريب راح يكلفك هذا الخيار وقت طويل لتوعية العميل بمنتجات متجرك 

وهذا إلي تسوي الشركات الكبيرة زي ايكيا و ابل وغيرها من الشركات ولكن هذا لا يؤثر تقدمها ونجاحها زي ما يأثر عليك إذا كنت مشروع صغير.

في الختام أتمنى لك التوفيق والإختيار الصائب..