نشرة النظارة البريدية - العام الجديد.. مش محتاج إنجازات عظيمة؟

خلينا نتكلم مع بعض في فكرة قريتها من مدة اسمها التأثير المركب وفكرة التأثير المركب أن في أفعال تظهرلك بسيطة لكن تأثيرها كبير جدا في حياتك زي تكوين عادة القراءة اللي تبدأ بـ ١٠ صفحات هتلقى نفسك خلصت ١٠ كتب اخر السنة وميهمكش العدد الضخم لأن ده مجرد عدد لو جودة الكتب مش عالية

وخلافه من فرص وعادات تانية لما بتتراكم بتحقق نمو غير متوقع.. بينما التركيز على الأهداف الكبيرة بيخلق حالة من التسويف ساعات وساعات تانية بينهي قدراتك على الاستمرار والمتابعة.. لو تعرف سيتفن هوكينج الراجل ده روائي غزير الإنتاج بست ورقات في اليوم بس تأثيرهم اخر السنة قادر يطلع منهم رواية.. وقدر من خلال نظامه يحترف القراءة 

وجرب تقرأ عن العادات الموضوع مهم سواء في تعاملاتك اليومية وحضورك الذاتي علشان تستوعب اللي بتعمله بدون سبب واضح أو اللي بتعمله تلقائي من غير ما تاخد بالك.. هتوضحلك النقطة دي وكتاب العادات الذرية لطيف في الحوار ده 

بعدها بص على الانغماس وازاي تقدر تركز في شغلك في طريقة ايلون ماسك بيجربها blocking time أنه يحجز وقت علشان يفضي لحاجه واحدة بس معينة للوقت ده والحوار بيفرق خاصة لو بعدت التليفون وفي كتابين هيساعدوك اكتر حتى لو شوفت ملخص كتاب العمل العميق وكتاب الانغماس 

العلاقات مهمة جدا ومهارة التواصل لطيفة هتساعدك تشيل غمامة من على عينك ناحية الناس وساعات ناحية نفسك فأستسمر في علم الإتصال واتعلم اتقان طرق التواصل how to speak ده اسم محاضرة هتساعدك يارب اكون افتكرت الاسم صح

اي سنة جديدة هي بداية عداد فكك من فكرة الاحتفال انت بتشتغل عداد جديد تكمل بي اللي بنيته قبل كده فمش كل سنة جديدة أهداف جديدة حاول تكمل على وجهة أهدافك اللي فاتت علشان مترجعش لنقطة قبل نقطتك الأصلية.. ولو على طريقة تخطيط شوف حلقة تخطيط الـ ١٢ اسبوع ل أ.علي محمد علي وحلقة الهدف ومثلث الأهداف هيساعدوك بردو.

أخيرا انا بكتب البريد ده وانا رايح شغل جديد عليا خلص ومش في مجالي لاني بقيت مقتنع أنك علشان ترسم خريطة محتاج تجرب تشوف حدودك فين فجرب طلما حلال جرب طلما يمكن جرب طلما مفيهاش مسألة قانونية أو موت ووصول للأبدية 👀😂