الابتكار بالتعاون؟

بواسطة Abdelghany • #العدد 11 • عرض في المتصفح

(سر تطور الابتكار في اليابان وكوريا الجنوبية)

كيف يبني التعاون أقتصاد أكثر حيوية؟

تحدي الفردانية..

اليابان وكوريا عندهم نظام ابتكار بيتحدى (وادي السيلكون) وده عن طريق إستبدال الفردانية بالتعاون سواء بين الأفراد أو الشركات وإن الطريقة دي بتحسن المنافسة في السوق خاصة مجالات التكنولوجيا.. وده بيكون له تأثير على أقتصادهم بصورة إيجابية وكمان بيعزز دعم ريادة الأعمال.

جينات الابتكار

والتغيير ده كان من خلال تبني فكرة (إن الشركات الناشئة مصدر تعليمي مفتوح في مجال الابتكار لتكتلات الشركات الكبيرة.. ومن خلالهم بيتم تعزيز موقف الشركات الصغيرة الحيوية وكمان يشغلوهم مع شركات كبرى فيتعمم الابتكار بصورة أكبر.. بالتالي الرواد أصحاب الشركات الناشئة بيدعمو الشركات الكبرى بأفكار مبتكرة وكفاءات وطرق وبكده بيحصل منفعة تبادلية وهي أستمرار الكبير في المنافسة وأستمرار الناشئ في النمو وده بيحقن الشركات الكبرى بجينات الابتكار..

خش شوف تحدي k- startup grand challenge برنامج حكومي لالشركات الناشئة تنافس عالميا من خلال الدعم المادي والإشراف المهني,وفرص تعلم,ومساحات مكتبية,وعلاقات اقتصادية مع مجموعة الشركات الكبرى في كوريا الجنوبية وكمان في نسخة مصغرة من سليكون فالي أسمها (وادي بانجيو تكنو) في العاصمة سيول.

قياس النجاح بيكون مبني على اتفاقيات الترخيص والشراكة مع شركات زي (سامسونغ وهيونداي وإل جي) وطبعا بيكون للشركات دي دور في التوجيه والإرشاد ودعم الدولة للشركة الناشئة مرهون بالتوقيع على الشراكة.. ماذا عن اليابان؟

j startup initiative وده برنامج اليابان للدعم من خلال تعاون تكتل شركات أسمه (كيريتسو) مع البنوك الرئيسة هناك.. وهدفه دعم شركات محتمل تبقى مليارية unicorns.. وهدفهم يعتبر متقارب k- startup بأنهم يخلوا الشركات الناشئة تشتغل جانب الشركات الكبيرة في المجال.. ونتائج الموضوع جبار 20 شركة مليارية خلال 6 سنين خلاف شركات تانية استحوذ عليها بمليارات بردو

مثلث القوة الجديد

(الرواد, الشركات الكبرى,الحكومة) والتعاون بينهم بيزيد الابتكار والنمو الاقتصادي.. وده كان بسبب ادراك الحكومتين أهمية الشركات الناشئة في استراتيجياتهم لحماية الأمن القومي.. لأن الشركات دي هي اللي بتساعدهم على امتلاك أدوات تكنولوجية متقدمة.. زي الذكاء الاصطناعي وأشباه الموصلات.. صدارة الدول مرهونة بامتلاكهم أحدث تكنولوجيا, والإبقاء على العلماء والمبدعين اللي وصلوا للأختراعات دي.. لأن الهيمنة على التكنولوجيا أصبحت ميزة تنافسية لأي دولة..

بمقابل أيه؟

دعم دائم للشركات والأبحاث في مجالات جديدة لأستكشافها وده بيشكل مخاطرة ساعات لكنه بيديها فرصة تسبق دول متقدرش تخوض مغامرات زي دي في عالم الابتكار.. وتلقى نتيجة ده أنهم أصبحو قادة العالم في مجال الشحن البحري الموفر للطاقة.. من خلال رهانهم على النفس الطويل والدعم طويل المدى في المجال ده بينما أوروبا وأمريكا طلعوا بره السباق.. وزي ما قولنا فوق من عملية التشارك وطبعا بيدخل معاهم فيها مراكز الابتكار والاقتصاد الإبداعي.. والجامعات بيكون طلابها على صلة سابقة بشركات صناعة السفن من خلال الأبحاث.