المذاكرة الجماعية

الموضوع اللي هتكلم عنه النهاردة مختلف تماماً عن أي موضوع أتكلمت عنه قبل كده ، ده لأنه في الأول كنت بحسب أن الموضوع مش مستاهل أني أكتب عنه ، لكن بعد ما قعدت فترة كبيرة أدركت ان الحاجة دي مش بس لازم تتعرف عن الناس لكنها فرصة لجعل أسوأ شئ في العالم اللي هو المذاكرة إلى شئ لطيف وسهل التعامل معاه ، النهاردة هتكلم عن طريقة المذاكرة الأقرب إلى قلبي بقالها فترة كبيرة ألا وهي المذاكرة الجماعية او بالأنجليزي

THE GROUP STUDY

تعريف المذاكرة الجماعية

المذاكرة الجماعية هي طريقة بيستخدمها كتير من الناس وهي أنهم بيتجمعوا في مكان معين سواء كان بيت أو مكتبة أو غيره وبيذاكروا مع بعض المواد ، وبتتعمل سواء كان بالشرح أو أن كل واحد ليه مهمة معينة يخلصها مع نفسه ويشرحها للباقي ، والطريقة دي أشترهت في الغرب بطريقة غريبة لأنها بالنسبالهم أفضل من ناحية حفظ المنهج اللي عليهم وكمان أنهم يقضوا وقت ممتع

وعلى الرغم من أن الطريقة دي مشهورة في الغرب لكنها لازالت غير مشهورة في العرب او مصر بالتحديد ، وترجع لأسباب منطقية أغلبها أن الصحاب لما يتجمعوا علشان المذاكرة دايماً ينتهي الوضع أنهم يقضوا وقتهم في الكلام عوضاً عن المذاكرة ، الحال ده غالبا مش بيحصل في مصر بس وده اللي خلى المذاكرة الجماعية شئ بيستخدمه القليل جداً من الناس ... الشئ اللي كان لافت إنتباهي لفترة طويلة لحد ما كسرت الحاجز أني أجربها مرة

تجربتي مع المذاكرة الجماعية

المذاكرة الجماعية كان شئ مبهم بالنسبالي في الأول لأني مجربتهوش قبل كده ، لكن صراحةً كان الموضوع شاغل أهتمامي بسبب كلام الناس عن التجربة دي وفضلت في حالة السماع دي لفترة مش بسيطة لحد ما في يوم قررت أني أجربها لمرة وبالفعل عجبتني الفكرة وقررت أستعملها لفترة كبيرة والآن أقدر أقول أن ليا رأي كامل عن الموضوع وأقدر أتناقش عنه براحتي

ليه تختار المذاكرة الجماعية من الأساس

المذاكرة الجماعية أختار مش أقدر أقول عليه صعب لكنه أختيار غير محبب لبعض الناس وده لسبب أن مفيش حد جربها قبل كده أو أنها غير متاحة لبعض الناس سواء كان في سكنهم أو غير كده أن الناس ممكن تكون بتحب المذاكرة مع نفسها ، أختيار المذاكرة الجماعية شئ محتاج تخطيط وحساب قبل ما تتحرك علطول ، أنا كشخص كنت قبل كده لازم أعمل حسابي أمتي وأيه اللي هنراجعه وكمان أني لازم مضيعش وقتي أبداً في الكلام الفاضي

أختيارك للمذاكرة الجماعية يعتمد على التالي

• لو أنت حابب تجرب حاجة جديدة مع صحابك
• لو أنت مش عارف تذاكر لوحدك لعدم فهم أو بسبب صعوبة المادة
• لو أنت حابب تتعلم أكتر عن أساليب المذاكرة

هنا هديلك التجربة الكاملة اللي قضيتها في الموضوع ده وهديلك كمان الأقتراحات اللي شايفها كويسة ليك وتقدر تستخدمها علطول

المذاكرة من المقابلة VS مذاكرة النت

لو قلنا أن للمذاكرة الجماعية أنواع فمش هيكون فيه غير نوعين ، النوع الأول هو النوع اللي بتتقابل فيه أنت والناس وتبدأوا تذاكروا مع بعض وتقسموا المحاضرات بينكم ،وفيه المذاكرة عن طريقة النت بتكون فاتح أنت وصحابك في سيرفر وبتحطوا الحاجات اللي عايزين تذاكروها وخلاص بيبدأ مؤقت للشغل وبتبدأ تذاكر

من اللطيف أن فيه نوع تاني للأونلاين وهي فكرة انك تذاكر مع ناس تانية مش مع صحابك ، فيه سيرفرات بتتفتح للكل بمؤقت ثابت ولما بتدخل بتتعامل أنت مع ناس من أنحاء العالم ، ناس من أمريكا وكندا وأستراليا والهند وكتير جداً مش شرط أنهم يذاكروا نفس الشئ لكن فكرة أنك بتكون معاهم وبتذاكروا في نفس التوقيت بالضبط بيخلي للمذاكرة طعم مختلف تماماً.

أقتراحات للمذاكرة الأونلاين

هنا هيكون فيه أقتراحات للشغل أونلاين لو عجبتك الفكرة، كل الحاجات اللي هتكلم عليها سهلة أنها تتعمل من غير أي مشاكل ، كل اللي محتاجه منك هي قدرة تعلم أنجليزي كويسة ونت كويس علشان تبدأ

ديسكورد

ديسكورد يعتبر المكان أو وسيلة التواصل الأجتماعي الأفضل بالنسبالي لما يتعلق الموضوع بالدراسة والشغل ، مش بس لسهولة الأستخدام لكن لأن ليه إستخدامات كتير جداً أكتر منه أنه بس بيعمل سيرفرات ، سيرفرات الدراسة مع الناس كبيرة جداً وهبعتلك شوية سيرفرات من اللي بحب أتعامل معاهم جداً

Study Together

Fiveable

لو أنت بقى حابب تجرب موضوع المذاكرة ده على الضيق ومن غير ناس كتير وخصوصاً مع صحابك بشكل خاص فأنا ارجح الموقع ده لأنه الأفضل من حيث الآداء والتعامل ، غير انه سهل وبسيط ولكل شخص مكانه الخاص ومكان للدردشة لما تخلصوا

البرنامج بسيط وسهل على عكس ديسكورد اللي محتاج تفهم البرنامج الأول علشان تستخدمه

Free Group Study Rooms with Timer & Music | Fiveable

لو أنت حبيت البوست متنساش تشترك علشان يصلك كل جديد :)

عن علاج طبيعي | هدهد