نشرة النظارة البريدية - العدد 2 الذبذة المربكة |
| بواسطة Abdelghany • #العدد 4 • عرض في المتصفح |
|
العالم مربك، متغير، متذبذب.. الفراغ
|
|
|
|
خلينا نتخيل إننا في مسرحية... |
|
أسمها "عدو البشر" لموليير... وحاليا بنشوف "ألسست" اللي هو شخصية مش بتقول إلا اللي بتؤمن بي بس... حتى لو هتشقى... علشان كده كان موضع سخرية لكل اللي حوليك وبيتهمسوا عليه... لانه مش متصنع ولا بيقدر يعمل مدارة للناس أو خلافها من طرق زي التملق والنفاق... |
|
نفكنا دلوقتي منه ونفكر سوى ماذا لو صراحتنا المطلقة جابت لينا مشاكل كبيرة جدا بسبب تغيير غير متوقع في الأحداث؟ |
|
هنا بيجي بقى فكرة المُربكات... ودي الحاجات اللي بتحصل فجأة وفي ناس بتعمل حسابها وناس لا... واللي مخدش حذره أو مستثمرش لحل المشكلة دي بيلقى أن في خسائر فادحة... |
|
زي مثلا مديرك اللي بيقولك كل شغلك ذكاء اصطناعي وهمشيك واعمل اشتراك شات جي بي تي انا وكام حد معايا أرخص... بينما تحوطك بعمل حر أو بأنك تحط خطة لمسارات وظيفية أقل تضرر أو أنك تعمل مقابلة عمل مع شركة فاهمة أنك بتعمل حاجه الذكاء الاصطناعي ميقدرش عليها هو مطلوب... |
|
وفي مربكات عالمية زي مثلا الاوبئة.. الثورة الصناعية الرابعة "لسه ضارب عنها مثال".. التحضر السريع والتمدن العشوائي.. التغييرات السكانية.. كل دي حاجات بتعمل إرباك للمجتمع بيأثر علينا.. وطبعا تقلبات سياسية.. وصدمات اقتصادية.. وكل ده بيتطلب مننا استعداد ومرونة علشان نقدر نفوز أو على الأقل نستغل ده لصالحنا |
|
الحركة المتذبذبة دي بقى موجودة في لحظات زمنية معينة زي لحظتنا دي.. والصينيين قالوا عليها "تقلبات".. وده بيخلي التقلب بيحصل في لحظة معينة ويستمر لقرب نهايته وبسرعة يحصل "تقلب" تاني في حركة تشبه النبض البشري أكتر من مجرد تحرك للتاريخ.. |
|
بس هو ليه بتكتب ده؟ |
|
الحقيقة لأن الموضوع منتشر وأنت وأنا في حالة قلق فطبيعي أطمنك.. وأقولك بس تاخد بالك وتبقى مستعد.. بس متحبسش نفسك في القلق لأن اللي بيحصل ده طبيعة التاريخ وإن كانت أسرع شوية... |
|
أتمنى يكون ده ساعدك شوية وتقدر تستغل المربكات لصالحك |
|
نلقاك بالخير🤍👀 |
|
التعليقات